Nacionaluos apvīneibys golvonais mierkis vysod beja i byus latviska Latveja.

Myusu vierteibys: latvīšu nāceja, volūda i kultura, tautys varūņu gūds i pīmiņa, Latvejis naatkareiba i izaugsme, lobkluojeiba i taisneigums, saime i lauleiba, cylvāka dzeiveiba, doba i Dīvs.

Asom sasnāguši 80% nu mierķu, kurūs izvirzēm īprīkšejū vieleišonu programmā. Tys myusu atbaļsteituojim dūd pamatu ticēt, ka prassim eistynuot jaunūs aizdavumus.

Myusu mierki 13. Saeimai:

Latviska Latveja

• Turpynuosim puorīšonu iz vuiceibom vaļsts volūdā vysūs izgleiteibys leimeņūs, suocūt ar bārnuduorzu.
• Nūdrūsynuosim Satversmis vierteibu ītveršonu jaunajā kompetenču izgleiteibā. Izgleiteibys saturā turūt par pamatu školānu personeibys atteisteibu, prasšonu dūmuot kūpsakareibuos, mierktīceibu i rodūšumu.
• Atbaļsteisim latvīšu eipotsvora pīaugumu Latvejā i nadaļausim bezatbiļdeigu imigracejis politiku.
• Naļausim politikim nūsalaist vaļsts volūdys, pylsūneibys i cytūs nacionalo politiskūs vaicuojumūs.
• Taiseisim Latveju kai kulturys vaļsti. Vairuosim kulturys cylvāku socialū lobkluojeibu. Turpynuosim programmu “Mantojums 2018” i sakraluo montojuma saglobuošonu.
• Atbaļsteisim latviskūs kulturys tradiceju nūstyprynuošonu, nūdrūsynūt namaterialuo kulturys montojuma saglobuošonu i Dzīsmusvātku 150. godadīnys cīneibys pylnu sagaideišonu.
• Aizstuoveisim Latvejis jaunuotni pret diskriminaceju dorba tiergā, krīvu volūdys nazynuošonys dieļ.
• Latgaliskais ir latviskais. Tū ruodeisim vaļsts attīskmē i lāmumūs. Latgaliskūs vierteibu izkūpšonu nūstuodeisim par vīnu nu jaunuos symtgadis prioritatem.
• Izadabuot, kab vaļsts aizstuov Latvejis breiveibys ceineituoju pīmini, ari latvīšu legionaru i nacionalū partizanu lobū vuordu i pīmini.
• Nūdrūšynuosim sakūptu Latvejis vidi, sorguosim dobu i ar apdūmu izmontuosim tuos resursus.

Drūša Latveja

• Turpynuosim nadaļaut prokrīviskū spāku stuošonūs vaļdeibā.
• Izmontuosim vysus tīsiskūs leidzekļus, kab īrūbežuotu Krīvejis propagandys izplateibu. Styprynuosim Latviskūs medejus.
• Turpynuosim palelynuot aizsardzeibys izdavumus, paplašynojūt īsaistamū, apvuicātū pylsūņu lūku mobilizacejis gadīnie.
• Aktivi īzastuosim par pastuoveigu NATO sabīdruotūs karaveiru uzatureišonu Latvejā.
• Napuorprūtami atbaļsteisim Latvejis pīdereibu Rītumu ģeopolitiskajai telpai.
• Atbaļsteisim Eiropys Savīneibu kai nacionalū vaļstu savīneibu. Īzastosim pret ES federalizāceju i centīnim vojinuot i škelt transatlantiskū sadarbeibu.
• Izglīteibys politikas eistynušanuo aktīvi īzasaistāsim bīdreibys, kas puorstuov bārnus ar eipošom vajadzeibom. Ari eipoši talanteigim bārnim snēgsim mierktīceigu atbolstu.
• Turpynuosem palelynuot naaplīkamū minimumu pensejom.
• Palelynuosim socialū nūdrūsynojumu personom ar invaliditati. Daškiersim nūdūkļu atlaidys socialūs uzjāmumūs nūdarbynuotom personom ar 1. i 2. grupys invaliditati.
• Turpynuosim modernizeit i atteisteit tīslītu i īkšlītu darbeibys atzari, kai ari paaugstynuot kvalifikacejis i atbiļsteibys kriterejus tīsnešim, prokurorim, policistim i cytom omotpersonom.

Augūša Latveja

• Vadynojūt pošvaļdeibu i privatū uzjāmumu lobdabeigu saceņseibu par atbolstu saimem, taiseisim Latveju par saimem draudzeiguokū vaļsti Eiropā.
• Radzami paplašynuosem muojūkļu programmu jaunajuom saimem. Atbolsts tiks snāgts na viņ eipošuma īguodei, tok i remontam i lobīkuortuošonai.
• Panuoksim, kab socialuos īmoksys penseju kapitalā par bārna kūpšonys laiku veic pylnā apmārā nu bārna kūpšonys pabolsta.
• Atteisteisim školānu motivaceju mierktīceiguok apgiut eksaktūs prīkšmatus, kab palelynuotu atbiļsteibu nuokūtnis dorba tierga vajadzeibom. Vīnlaiciegi vysūs izglīteibys leimeņūs un zinātnī īzastosim par leidzsvarūtu atbolstu humanitarū zinuotņu atteisteiboi.
• Taiseisim Latvejis inovaceju fondu, vaļsts leidzekļus īguļdūt iz tautsaimnīceibus izaugsmi baļsteituos zynuotņu atteisteibā.
• Samāronojūt izaugsmi reģionūs, veicynuosim i mobilitati, dūdūt vareibu cylvākim elasteiguok sekuot dorbaspāka tierga izmaiņom Latvejā i mozynuot emigraceji.
• Taiseisim stabilu i prognozejamu nūdūkļu politiku. Vierteisim nūdūkļu reformys rezuļtatu i pylnveiduosim, kab uzjiemiejim i dzeivuotuojim tei byutu ārtuoka i mierkeituoka. Pamatā saglobuosim asušuos IIN, UIN i PVN likmis.
• Taiseisim taisneigu nakustamuo eipošuma nūdūkļa sistemu, napīmārojūt nūdūkli saimu pošapdzeivuotom sātom da sabīdreibā pījemamai vierteibai.
• Nūdrūsynuosim vaļsts individualu komunikaceju ar jebkuru īdzeivuotuoju, izmontojūt jaunu e-pakolpojumu.
• Panuoksem, kab Latvejā atsagrīž vaira pylsūņu kai, aizbrauc. Jebkuru latvīti kurīs izruodeis gribeišonu atsagrīst dzimtinie, atbaļsteisim ar inividualu pīeju.